வழியனுப்புதல்

தாயிழந்த பூனைக்குட்டியின் நாக்கில்
பாலில் நனைத்த பஞ்சினை
ஒத்தியெடுத்து பசிதீர்ப்பதுபோல்
உன் பிரிவிற்கான காரணத்தை
விரிவாகக் கூறியென்னை
சமாதானப்படுத்துகிறாய்…
உனது இருப்பை வசப்படுத்தும்
முயற்சியில் தீவிரமடைகின்றன
எனது புலன்கள்…
பிரிவிற்குப்பின்
சூழவிருக்கும்
வெறுமைக்கு அஞ்சி
உடைபடுகின்றன்
எல்லா நிமிடங்களும்…
நிகழ்வுகளுடன் தொடர்பற்றதாய்
நீண்ட கதையாடல்களுக்கிடையில்
ஒலிக்கிறது உன் சிரிப்பொலி…
என் மவுனத்தை
உடைக்க வழிநெடுகிலும்
ஏதேதோ பேசிகிறாய்
புல்லாங்குழல் விற்பவனின்
வாசிப்பில் ஜீவனிருப்பதாய்
வியந்து பூரிக்கிறாய்…
புறப்படும் நேரத்தில்
மழையடித்து ஓய்ந்தது போல்
மெளனித்துச் செல்கிறாய்
மிகமிக அருகில்
நிகழ்கிறது நம் பிரிவு…
வழியனுப்பிவிட்டுத்
திரும்புகையில்
கடைசி நிமிடங்களில்
நீ உதிர்த்த மவுனத்தில்
பொதிந்த வார்த்தைகளை
வழிநெடுகிலும் தேடிகிறேன்…
தாயிழந்த பூனைக்குட்டியின் நாக்கில்
பாலில் நனைத்த பஞ்சினை
ஒத்தியெடுத்து பசிதீர்ப்பதுபோல்
உன் பிரிவிற்கான காரணத்தை
விரிவாகக் கூறியென்னை
சமாதானப்படுத்துகிறாய்…
உனது இருப்பை வசப்படுத்தும்
முயற்சியில் தீவிரமடைகின்றன
எனது புலன்கள்…
பிரிவிற்குப்பின்
சூழவிருக்கும்
வெறுமைக்கு அஞ்சி
உடைபடுகின்றன்
எல்லா நிமிடங்களும்…
நிகழ்வுகளுடன் தொடர்பற்றதாய்
நீண்ட கதையாடல்களுக்கிடையில்
ஒலிக்கிறது உன் சிரிப்பொலி…
என் மவுனத்தை
உடைக்க வழிநெடுகிலும்
ஏதேதோ பேசிகிறாய்
புல்லாங்குழல் விற்பவனின்
வாசிப்பில் ஜீவனிருப்பதாய்
வியந்து பூரிக்கிறாய்…
புறப்படும் நேரத்தில்
மழையடித்து ஓய்ந்தது போல்
மெளனித்துச் செல்கிறாய்
மிகமிக அருகில்
நிகழ்கிறது நம் பிரிவு…
வழியனுப்பிவிட்டுத்
திரும்புகையில்
கடைசி நிமிடங்களில்
நீ உதிர்த்த மவுனத்தில்
பொதிந்த வார்த்தைகளை
வழிநெடுகிலும் தேடிகிறேன்…